Related Posts
Category : Sports
IND vs SA 3rd T20i Weather Report: આજે ભારત-દક્ષિણ આફ્રિકાની મેચ પર વરસાદની છાયા! સેન્ચુરિયનની હવામાન પરિસ્થિતિ જાણો
IND vs SA 3rd T20i Weather Report:ભારત અને દક્ષિણ આફ્રિકા વચ્ચે રમાઈ રહેલી ચાર મેચોની T20 આંતરરાષ્ટ્રીય શ્રેણીની ત્રીજી મેચ આજે 13 નવેમ્બરે ભારતીય સમય અનુસાર રાત્રે 8.30 કલાકે રમાશે. પ્રથમ મેચમાં દક્ષિણ આફ્રિકાને ખરાબ રીતે હરાવ્યા બાદ સૂર્યકુમાર યાદવની આગેવાની હેઠળની ટીમને બીજી મેચમાં હારનો સામનો કરવો પડ્યો હતો. આ રીતે સિરીઝ હાલમાં 1-1થી બરાબર છે. ભારતીય ટીમ આજે શ્રેણીમાં અજેય લીડ લેવાના ઈરાદા સાથે ઉતરશે. દરમિયાન હવામાન વિભાગ તરફથી સમાચાર આવી રહ્યા છે કે આ મેચ પર વરસાદનો પડવાની શકયતા રહેલી છે. મેચ પહેલા અમે તમને જણાવીએ કે મેચ દરમિયાન સેન્ચુરિયનમાં હવામાન કેવું રહેશે?
ભારતીય બેટરનુ પ્રદર્શન ચિંતા જનક રહ્યુ છે
ભારતીય T20 ટીમ સૂર્યકુમાર યાદવના નેતૃત્વમાં બોલરોએ સારુ પ્રદર્શન કરી રહ્યા છે પરંતુ બેટરનુ પ્રદર્શન ચિંતાજનક રહ્યુ છે. આ કેલેન્ડર વર્ષમાં અત્યાર સુધીમાં ભારતે કુલ 23 મેચ રમી છે અને તેમાંથી 21 જીતી છે. આ વર્ષે ભારત માત્ર બે T20 મેચ હારી છે. સંજુ સેમસનની શાનદાર સદીના કારણે ડરબનમાં પ્રથમ T20માં ભારતે 61 રનથી જીત મેળવી હતી પરંતુ ગેકેબેહરામાં હારનો સામનો કરવો પડ્યો હતો. આજે બંને ટીમો જીતવા માટે શ્રેષ્ઠ પ્રયાસ કરશે.
સુપરસ્પોર્ટ પાર્ક, સેન્ચુરિયનમાં હવામાનની પેટર્ન શું હશે?
આ શ્રેણીની પ્રથમ બે મેચ પહેલા વરસાદની આગાહી કરવામાં આવી હતી પરંતુ હવામાને સાથ આપ્યો અને દર્શકોને આખી મેચ જોવા મળી. આ વખતે ચાહકો માટે સારા સમાચાર એ છે કે આજે રમાયેલી મેચમાં વરસાદની શક્યતા ઓછી છે. સેન્ચુરિયનમાં આજે માત્ર 20 ટકા વરસાદની સંભાવના છે. જો કે મેચ દરમિયાન હવામાન સ્વચ્છ રહેવાની ધારણા છે. તાપમાન પણ 20 ડિગ્રી સેલ્સિયસની આસપાસ રહેશે.
ભારતીય ટીમ
સંજુ સેમસન (વિકેટકીપર), અભિષેક શર્મા, સૂર્યકુમાર યાદવ (કેપ્ટન), તિલક વર્મા, અક્ષર પટેલ, હાર્દિક પંડ્યા, રિંકુ સિંહ, અર્શદીપ સિંહ, રવિ બિશ્નોઈ, વરુણ ચક્રવર્તી, અવેશ ખાન, જીતેશ શર્મા, વિજયકુમાર વિષાક, રમણદીપ સિંહ, યશ દિનેશ. .
દક્ષિણ આફ્રિકાની ટીમ
રેયાન રિકલ્ટન, રીઝા હેન્ડ્રીક્સ, એઇડન માર્કરામ (સી), ટ્રિસ્ટન સ્ટબ્સ, માર્કો જેન્સન, હેનરિક ક્લાસેન (ડબલ્યુકે), ડેવિડ મિલર, એન્ડીલે સિમેલેન, ગેરાલ્ડ કોએત્ઝી, કેશવ મહારાજ, નાકાબાયોમ્ઝી પીટર, પેટ્રિક ક્રુગર, મિહલાલી મ્પોન્ગવાના, ડોનોવાન ફેર્રેટ, ઓન ફેરમેન .
Load more
